Ang pangabuhi isa ka istorya nga
kita mismo ang naga-sulat. Isa ini ka pakigbato sa dako nga balod sang kabuhi.
Isa ini ka imahe sang pagkamakusog sang isa ka tawo, mapa-Ilonggo man o sin-o pa nga Pilipino. Isa ini ka butang nga dapat
guid ipabugal sang tagsa-tagsa. Isa ka butang nga kita mismo ang nag-umpisa kag
magatapos.
Bilang isa ka grupo sang bag-o nga
henerasyon, ari kami subong para indi lamang pag-ipakita ang manggad sang mga Ilonggo kundi kung ano pa ang aton pwede
mahimu para maamligan kag mapasanyag ini. Isa namun ini ka pama-agi para
ipakita sa bilog nga kalibutan ang kasagad kag kamayad sang isa ka Ilonggo, ilabi na guid sa parte ka
pag-sulat.
Ang amun napili nga ipasundayag,
amu si Dr. Rex Divinagracia Drilon isa ka matuod nga Ilonggo nga manunulat.
Siya amu ginbata sa Dumangas, Iloilo kag ang pinaka-una nga Pinoy nga
presidente sang isa man ka ginapabugal nga unibersidad sa Iloilo, ang subong
nga Central Philippine University (CPU).
(This blog-spot showcases the literature of the Iloilo province. This is to show the whole world that Iloilo is truly a "City of Love" as evidenced by the love of its people in literarture. Truly, Our City is our Pride. We also would like to emphasize that we are featuring here the best of the best of Iloilo Writers like Dr. Rex Drilon who happened to be a Centralian. Enjoy exploring our site and we are glad to receive comments or suggestions from you.)